30. 6. 2023
വെള്ളി
ബക്രീദ് പ്രമാണിച്ചുള്ള രണ്ട് ദിവസത്തെ അവധിക്ക് ശേഷം ഇന്നാണ് സ്കൂൾ തുറന്നു പ്രവർത്തിക്കുന്നത്. ഇന്നേദിവസം രാവിലെ 9 15ന് തന്നെ സ്കൂളിൽ എത്തിച്ചേരുകയുണ്ടായി. ടൈം ടേബിൾ പ്രമാണിച്ച് വെള്ളിയാഴ്ച ദിവസം ഇന്ന് ക്ലാസുകൾ ഒന്നും തന്നെ ഇല്ലായിരുന്നു. എങ്കിലും പരമാവധി സബ്സ്റ്റിറ്റ്യൂഷൻ ക്ലാസുകൾ പങ്കെടുക്കുവാനും പഠിതാക്കളുമായി ഇടപഴകുവാനും കഴിഞ്ഞു. ഉച്ചയ്ക്ക് പഠിതാക്കൾക്ക് ഭക്ഷണം വിളമ്പുന്നതിനും വൈകുന്നേരങ്ങളിൽ സ്കൂൾ പിരിഞ്ഞുപോക്കിൽ അച്ചടക്ക പരിപാലനത്തിനും സജീവമായി പങ്കെടുക്കുവാൻ അവസരം ലഭിച്ചു. ഇനി എടുത്തു തീർക്കുവാനുള്ള പാഠസൂത്രണങ്ങളിൽ ഒപ്പിടാനായി സ്കൂളിലെ കൺസേൺ അധ്യാപകനായ പ്രമോദ് സാറിനെ കാണുകയും ഇതുവരെയുള്ള പഠനബോധന പ്രവർത്തനങ്ങളെ വിശകലനം ചെയ്യുകയും ഉണ്ടായി. ഓണപ്പരീക്ഷയുടെ എടുക്കുന്നതിനാൽ പാഠഭാഗങ്ങൾ അതിവേഗം തീർക്കണമെന്നും നിർദ്ദേശം ഉണ്ടാവുകയുണ്ടായി. ഇന്നേദിവസം അഞ്ചാമത്തെ പീരിയഡ് 7 ബി ക്ലാസിലും ഏഴാമത്തെ പിരിയഡ് പത്താം ക്ലാസിലും സബ്സ്റ്റിറ്റ്യൂഷനായി പോവുകയുണ്ടായി.
No comments:
Post a Comment