26. 07. 2023
ബുധൻ
ഇന്നേദിവസം രാവിലെ കൃത്യം 9 15 ഓടുകൂടി സ്കൂളിൽ എത്തിച്ചേരുകയുണ്ടായി. സ്കൂൾ കായികമേളയുടെ ഉദ്ഘാടനം പ്രഥമ അധ്യാപകൻ ശ്രീ ജോസ് നടത്തുകയുണ്ടായി വേദിയിൽ ഡെപ്യൂട്ടി ഹെഡ്മാസ്റ്റർ സജീവ് സാർ സന്നിഹിതനായിരുന്നു. തുടർന്ന് കഴിഞ്ഞ ദിവസങ്ങളിലായി നടത്തിയ സെലക്ഷൻ മത്സര ഇനങ്ങളുടെ ഫൈനൽ ഇന്നേദിവസം നടത്തുകയുണ്ടായി വിദ്യാർത്ഥികൾ ആവേശത്തോടെയാണ് ഓരോ മത്സര ഇനങ്ങളിലും പങ്കെടുത്തത്.
 |
| Sports day Parade |
കഴിഞ്ഞ ദിവസങ്ങളിലായി തുടങ്ങിവച്ച കാർമുകിലിന് ഗദ്യത്തിൽ ഒരു അർച്ചന ഗീതം എന്ന പാഠഭാഗമാണ് ചർച്ച ചെയ്യാനായി പദ്ധതിയിട്ടത് ഇതിനാവശ്യമായ ബോധന സാമഗ്രികളും കരുതിയിരുന്നു. നൂതന പദങ്ങൾ എഴുതിയ ചാർട്ട് ഐസിടി സ്ലൈഡുകൾ എന്നിവ കരുതിയിരുന്നു. ഏറെ കഠിനമായ ഒരു ലേഖനമായിരുന്നതിനാൽ അവ കൂടുതൽ ലളിതമായി കൈകാര്യം ചെയ്യുവാൻ ഇന്നേദിവസം തീരുമാനിക്കുകയുണ്ടായി. പഠനബോധന പ്രക്രിയയിൽ വിദ്യാർത്ഥിയുടെ പങ്കാളിത്തം ഉറപ്പുവരുത്തുന്നതിനായി പരമാവധി ശ്രമിച്ചിരുന്നു പ്രവർത്തന അധിഷ്ഠിതമായ ബോധന പ്രവർത്തനങ്ങൾ ആസൂത്രണം ചെയ്യുന്നതിനാണ് ഇന്നേദിവസം ശ്രമിച്ചത്.
പഠിതാക്കളെ അഭിസംബോധന ചെയ്തുകൊണ്ടാണ് ഇന്നീ ദിവസം ക്ലാസ് ആരംഭിച്ചത് പൂർവ്വ ക്ലാസുകളിൽ ചർച്ച ചെയ്ത വിവരങ്ങളെ അടിസ്ഥാനമാക്കി ചില ചോദ്യങ്ങൾ ചോദിച്ചുകൊണ്ടാണ് ഇന്നേദിവസം ക്ലാസ് തുടങ്ങിയത്. പഠിതാക്കളിൽ പഠന സന്നദ്ധത വളർത്തിയെടുക്കുന്നതിന് ഒരു വീഡിയോ ശകലം ഐസിടി മുഖാന്തരം പ്രദർശിപ്പിക്കുകയുണ്ടായി കൂടാതെ ആ പ്രദർശനത്തിനുശേഷം പഠിതാക്കളുടെ അഭിപ്രായങ്ങളെ ക്രോഡീകരിക്കുകയും പാഠഭാഗത്തിലേക്ക് ഒരു ആമുഖഭാഷണം നടത്തുകയും ചെയ്തു. തുടർന്ന് പാഠഭാഗത്തിന്റെ പേരും രചയിതാവിന്റെ പേരും ബിബി ചെയ്യുകയും പഠിതാക്കളെ കൊണ്ട് അവ വായന നടത്തി പകർത്തി എഴുതുവാൻ അവസരം കൊടുക്കുകയും ചെയ്തു. തുടർന്ന് പാഠഭാഗം വായന നടത്തിക്കുകയും പ്രസ്തുത പാഠഭാഗത്തിന്റെ ആശയം ലളിതമായി പഠിതാക്കളിൽ അവതരിപ്പിക്കുകയും ചെയ്തു. പാഠഭാഗത്ത് കടന്നുവരുന്ന നൂതന പദങ്ങളെ ചാർട്ട് ഉപയോഗിച്ച് പരിചയപ്പെടുത്തുകയും അവയുടെ അർത്ഥത്തെ വിശദീകരിക്കുകയും ചെയ്തു തുടർന്ന് ഒരു പ്രവർത്തനം നടത്തുകയും അവ മൂല്യനിർണയത്തിന് പാത്രമാക്കുകയും ചെയ്തു ഇന്നേദിവസം ചർച്ച ചെയ്ത വിവരങ്ങളെ അടിസ്ഥാനമാക്കി ചില ചോദ്യങ്ങൾ ചോദിച്ചു അടുത്ത ദിവസത്തേക്കുള്ള പുനര അവലോകനം നടത്തിയും ആണ് ഇന്നത്തെ ക്ലാസ് അവസാനിപ്പിച്ചത്.
ഏറെ കഠിനമായ ഒരു ലേഖനമാണ് ഇന്നത്തെ ദിവസം പറഞ്ഞ് അവസാനിപ്പിക്കുവാനായി കഴിഞ്ഞത് ഭാഷാപരമായി അനവധി സംശയങ്ങൾക്ക് കാരണമാകുന്ന ഈ പാഠഭാഗം ഏറ്റവും ലളിതമായി തന്നെ വിശദീകരിക്കുവാൻ കഴിഞ്ഞു പഠിതാക്കളുടെ അന്വേഷണ ആത്മകത പ്രോത്സാഹിപ്പിക്കുവാനും അതിലൂടെ പാഠഭാഗത്തിന്റെ നാനാർത്ഥങ്ങളെ വിശദീകരിക്കുവാനും ഇന്നേദിവസം കൊണ്ട് കഴിഞ്ഞു പ്രവർത്തനാധിഷ്ഠിതമായി നടത്തി ഇന്നത്തെ ക്ലാസ് മാനേജ് ചെയ്യുന്നതിന് പാകപ്പിഴകൾ സംഭവിച്ചിരുന്നു. എങ്കിലും പഠിതാക്കളുടെ പൂർണ്ണ പങ്കാളിത്തത്തോടെ ഈ ക്ലാസ് പരിപൂർണ്ണ വിജയമാക്കുവാൻ കഴിഞ്ഞു.
രണ്ടാംഘട്ട അധ്യാപന പരിശീലനത്തിന്റെ അവസാന ദിവസമായിരുന്നു ഇന്ന് കഴിഞ്ഞുപോയത് കഴിഞ്ഞദിവസം നടത്തിയ സിദ്ധിശോധകത്തിന്റെ ഉത്തരക്കടലാസുകൾ ഇന്ന് വിതരണം ചെയ്യുകയും ഉത്തരങ്ങളെ പുനരവലോകനം ചെയ്യുകയും ചെയ്തു. സഹ പരിശീലകയായ ശ്രുതി എസ് ലാലിന്റെ പ്രോജക്ട് സംബന്ധമായ ഡേറ്റാ കളക്ഷനും ഇന്നേദിവസം നടത്തുകയുണ്ടായി തുടർന്ന് വിദ്യാർത്ഥികളുടെ ഭാഗത്തുനിന്നും പരിശീലനത്തിന്റെ ഫീഡ്ബാക്ക് ശേഖരിക്കുകയും ചെയ്തു. സ്കൂൾ ആനുവൽ സ്പോർട്സ് മീറ്റ് നടക്കുന്നതിനാൽ അവയ്ക്ക് ആവശ്യമായ പങ്കാളിത്തവും ഇന്ന് ഉറപ്പുവരുത്തുകയുണ്ടായി സ്കൂളിലെ എല്ലാ പ്രവർത്തനങ്ങൾക്കും ശേഷം ഇന്ന് 4.50 തോടുകൂടിയാണ് സ്കൂളിൽ നിന്നും തിരിച്ചത്.
No comments:
Post a Comment