27. 06. 2023 ചൊവ്വ

 27 6 2023

ചൊവ്വ

 ഇന്നേദിവസം രാവിലെ കൃത്യം 9 15ന് തന്നെ സ്കൂളിൽ എത്തിച്ചേരുകയുണ്ടായി. കഴിഞ്ഞ ദിവസങ്ങളിൽ തുടങ്ങിവച്ച എണ്ണ നിറച്ച കരണ്ടി എന്ന പാഠഭാഗത്തിന്റെ തുടർച്ചയാണ് ഇന്നേദിവസം എട്ട് ബി യിൽ ആറാമത്തെ പിരീഡ് കൈകാര്യം ചെയ്യുവാൻ ഉദ്ദേശിച്ചത്. ഇന്നീ ദിവസം കൊണ്ട് തന്നെ ഈ പാഠഭാഗം പൂർണ്ണമായും പഠിപ്പിച്ചു തീര്‍ക്കുവാനും തുടർന്നുള്ള സമയങ്ങളിൽ പ്രസ്തുത പാഠഭാഗത്തിന്റെ പുനര അവലോകനം നടത്തുവാനും തീരുമാനിക്കുകയുണ്ടായി. ഇന്നേദിവസം ഉച്ചയ്ക്ക് മുമ്പുള്ള നാലാമത്തെ പിരിയൻ ഏഴു ബി ക്ലാസ്സിൽ സബ്സ്റ്റിറ്റ്യൂഷനായി പോയിരുന്നു.

         ഇന്നേദിവസം കഴിഞ്ഞ ക്ലാസ്സിൽ ചർച്ച ചെയ്ത എണ്ണ നിറച്ച കരണ്ടിയുടെ തുടർഭാഗങ്ങളാണ് ചർച്ച ചെയ്യുവാനായി ഉദ്ദേശിച്ചത്. ഇന്നത്തെ ക്ലാസ്സിലേക്കായി പൂർണ്ണ അപൂർണ്ണ ക്രിയകളെ കുറിക്കുന്നതിനായി ചില ചാർട്ട് പ്രവർത്തനങ്ങളും കരുതിയിരുന്നു. ക്ലാസ് റൂം പ്രവർത്തനങ്ങളിൽ പഠിതാക്കളുടെ പരിപൂർണ്ണ പങ്കാളിത്തം  ഉറപ്പുവരുത്താൻ പദ്ധതി ഇട്ടിരുന്നു. ക്ലാസ് മാനേജ്മെന്റ് കൂടുതൽ ശ്രദ്ധകേന്ദ്രീകരിക്കുവാനും പദ്ധതിയിട്ടു. ഇന്നേദിവസം കഴിഞ്ഞ ക്ലാസ്സിൽ തുടങ്ങിവച്ച എണ്ണ നിറച്ച് കരണ്ട് എന്ന പാഠഭാഗമാണ് ചർച്ച ചെയ്തത്. പ്രസ്തുത പാഠഭാഗത്തെ സംഗ്രഹിച്ചു തുടർന്നുള്ള ബാക്കി ഭാഗങ്ങൾ പൂർത്തീകരിക്കുവാനാണ് ഇന്നത്തെ ക്ലാസ് കൊണ്ട് ശ്രമിച്ചത്. പഠിതാക്കളിൽ പൂർണ്ണ അപൂർണ്ണ ക്രിയകളെ മനസ്സിലാക്കി കൊടുക്കുന്നതിന് ആവശ്യമായ ചാർട്ട് പ്രവർത്തനവും ഇന്നേദിവസം നടത്തിയിരുന്നു. തുടർന്ന് എന്നെ നിറച്ച കരണ്ട് എന്ന ശീർഷകത്തിന്റെ ഔചിത്യം വ്യക്തമാക്കുന്ന കുറിപ്പും ഇന്നത്തെ ക്ലാസിൽ പ്രവർത്തനങ്ങളായി സ്വീകരിച്ചിരുന്നു. ക്ലാസിൽ വിദ്യാർത്ഥികളുടെ പരിപൂർണ്ണ പങ്കാളിത്തം ഉറപ്പുവരുത്താൻ പരമാവധി ശ്രദ്ധിച്ചിരുന്നു.

             ഇന്നത്തെ ക്ലാസ്സിലൂടെ ഒരു പാഠഭാഗത്തെ എപ്രകാരം സംഗ്രഹിക്കാം എന്ന് തീർച്ചയാക്കുകയുണ്ടായി. ഇന്നേദിവസം ക്ലാസ് റൂം മാനേജ്മെന്റ് കൂടുതൽ കാര്യക്ഷമമാക്കാമായിരുന്നു എന്ന് തോന്നുകയുണ്ടായി. കൂടാതെ പാഠഭാഗത്തെ സംഗ്രഹിക്കുന്ന പ്രവർത്തനങ്ങൾ ആയിരുന്നു ഇന്ന് നടത്തിയിരുന്നത്. ആയതിനാൽ പുനരവലോകന പ്രവർത്തനത്തിൽ മുഴുവൻ പഠിതാക്കളുടെയും പരിപൂർണ്ണ പങ്കാളിത്തം ഉറപ്പുവരുത്താൻ ശ്രമിക്കണമായിരുന്നു എന്നും ബോധ്യപ്പെട്ടു.

ഉച്ച ഭക്ഷണം വിളമ്പല്‍

                 അധ്യാപന പരിശീലത്തിന്റെ ഏറ്റവും മനോഹരമായ ദിവസമായിരുന്നു ഇന്ന്. ഇന്നത്തെ സ്കൂൾ പ്രവർത്തനത്തിൽ കാര്യക്ഷമമായി ഇടപെടുവാൻ സാധിച്ചു. ഉച്ചത്തെ ഭക്ഷണം വിളമ്പുന്നതിനും വൈകുന്നേരങ്ങളിൽ സ്കൂൾ ബസ്സിൽ യാത്ര ചെയ്യുന്ന വിദ്യാർത്ഥികളുടെ അച്ചടക്ക നിയന്ത്രണങ്ങൾ ഏറ്റെടുക്കുന്നതിനും  പങ്കാളിയാവുകയുണ്ടായി. ഇന്നേദിവസം രണ്ട് പീരിയഡുകൾ സബ്സ്റ്റിറ്റ്യൂഷനായി പോയിരുന്നു. അധ്യാപന പരിശീലനത്തിന്റെ ഓരോ ദിവസം കഴിയുംതോറും പഠിതാക്കളുമായി കൂടുതൽ ആത്മബന്ധം സൃഷ്ടിക്കുവാൻ സന്നദ്ധനാവുകയും ചെയ്തു. ഇന്നേദിവസം സ്കൂളിലെ എല്ലാ പ്രവർത്തനങ്ങൾക്കും ശേഷം 4. 50 ഓടുകൂടിയാണ് സ്കൂളിൽ നിന്നും തിരിച്ചത്.