26. 06. 2023 തിങ്കൾ ലോക ലഹരി വിരുദ്ധ ദിനം

 26 6 2023

തിങ്കൾ

രാവിലെ കൃത്യം 9 15ന് തന്നെ സ്കൂളിൽ എത്തിച്ചേരുകയുണ്ടായി. ഇനി ദിവസം പ്രത്യേക അസംബ്ലി ഉണ്ടായിരുന്നു. ജൂൺ 26 എന്നത് ലോക ലഹരി വിരുദ്ധ ദിനം ആയിരുന്ന ഇന്ന് ആ ദിനാചരണത്തിന്റെ പ്രാധാന്യത്തെ വിളിച്ചോതുന്നതായിരുന്നു ഇന്നത്തെ അസംബ്ലി. സിറ്റി പോലീസ് കമ്മീഷണർ അസംബ്ലിയിൽ മുഖ്യസാന്നിധ്യമായി. ലഹരി വിരുദ്ധ പ്രതിജ്ഞയും മറ്റും അസംബ്ലിയുടെ ഭാഗമായി കൈക്കൊള്ളുകയുണ്ടായി. തുടർന്ന് പെട്ടന്നു പടര്‍ന്നു പിടിക്കുന്ന  ഡെങ്കി എന്ന പകർച്ചവ്യാധിയെ സംബന്ധിക്കുന്ന മാർഗ നിർദേശങ്ങളും ഡെപ്യൂട്ടി എച്ച് എം നൽകുകയുണ്ടായി.

            കഴിഞ്ഞദിവസം തുടങ്ങിവെച്ച പൗലോ കോയിലോയുടെ എണ്ണ നിറച്ച കരണ്ട് എന്ന പാഠഭാഗത്തിന്റെ തുടർച്ചയാണ് ഇന്നീ ദിവസം ക്ലാസ്സ് എടുക്കാനായി തീരുമാനിച്ചത്. പാഠഭാഗത്തെ രണ്ട് കവി പരിചയങ്ങളും പൂർത്തിയാക്കിയ മുറയ്ക്ക് ഇനിയുള്ള ദിവസങ്ങളിൽ പാഠഭാഗത്തെ അപഗ്രഥനം ചെയ്യുവാനും തീരുമാനിക്കുകയുണ്ടായി. ഇതിൽ ആവശ്യമായ ബോധന സാമഗ്രികളും കരുതിയിരുന്നു. പാടാസൂത്രണത്തിൽ നിഷ്കർഷിച്ച പത്താം പാഠസൂത്രണമാണ് ഇന്ന് കൈകാര്യം ചെയ്യുവാൻ പദ്ധതിയിട്ടത്. ഇടയ ബാലൻ സഞ്ചരിച്ച കൊട്ടാരത്തിനകത്തെ ദൃശ്യങ്ങൾ പ്രതിഫലിപ്പിക്കുന്ന ചാർട്ട് പ്രവർത്തനവും നടത്തിയിരുന്നു. പാഠഭാഗത്തെ സമഗ്രമായി ചർച്ച ചെയ്യുക എന്ന ഉദ്ദേശലക്ഷ്യമായിരുന്നു ഇന്നത്തെ ക്ലാസിലെ ഉദ്ദേശം. വിശ്വവിഖ്യാതമായ എണ്ണ നിറച്ച കരണ്ടിയുടെ ഗദ്യഭാഗം വിവർത്തനത്തിന്റെ സാധ്യതകളെ പരമാവധി ഉപയോഗിച്ചുകൊണ്ടാണ് ക്ലാസ് റൂമിൽ അവതരിപ്പിച്ചത്. ഏറെ ഫലപ്രദമായ പ്രതികരണങ്ങളും പഠിതാക്കളുടെ ഭാഗത്തുനിന്നും ഉണ്ടായി. സന്തോഷകരമായ ഒരു ക്ലാസ് അനുഭവമായിരുന്നു ഇന്നത്തേത്. ഇടയ ബാലൻ കൊട്ടാരത്തിനകത്ത് കണ്ട കാഴ്ചകളെ വിലയിരുത്തി രേഖപ്പെടുത്തുന്ന ചാർട്ട് പ്രവർത്തനവും ഏറെ ഫലവത്തായിരുന്നു.

                ഇന്നത്തെ ക്ലാസിൽ പഠിതാക്കളുടെ പഠനസന്ന വളരെ കുറവായിരുന്നു. ആയതിനാൽ തന്നെ ക്ലാസ് മാനേജ്മെന്റ് കൂടുതൽ ശ്രദ്ധ കേന്ദ്രീകരിക്കേണ്ടതായി വന്നു. ക്ലാസ് റൂം പ്രവർത്തനങ്ങളിലും പ്രതികരണങ്ങളിലും എല്ലാ പഠിതാക്കളുടെയും പൂർണമായ പങ്കാളിത്തം ഉറപ്പുവരുത്താൻ ശ്രമിക്കാമെന്ന് ഇന്നത്തെ ദിവസം ബോധ്യമായി. ലഹരി വിരുദ്ധ ദിനാചരണത്തോടുകൂടിയാണ് ഇന്നേദിവസം കടന്നുപോയത്. ഇന്ന് ഉച്ചഭക്ഷണം വിളമ്പുന്നതിനും വൈകുന്നേരങ്ങളിൽ വിദ്യാർഥികളുടെ അച്ചടക്ക പരിപാലനത്തിനും വളരെയേറെ പങ്കാളിത്തം ഉറപ്പുവരുത്താൻ ശ്രമിക്കുകയുണ്ടായി. കൂടാതെ വായനാവാരത്തോടെ അനുബന്ധിച്ച് നടത്തിയ പോസ്റ്റർ രചന മത്സരത്തിൽ ലഭിച്ച പോസ്റ്ററുകളെ പ്രദർശിപ്പിക്കുന്ന പ്രവർത്തനങ്ങളിൽ ഏർപ്പെടുവാൻ കഴിഞ്ഞു. അധ്യാപിക പരിശീലനത്തിന്റെ ഓരോ ദിവസവും കൂടുതൽ അറിവുകളെ പ്രധാനം ചെയ്യുകയുണ്ടായി. ഇനി ദിവസം കൃത്യം 4.  30 ഓടുകൂടി സ്കൂളിൽ നിന്നും തിരിക്കുകയുണ്ടായി.